唔知由幾時開始，便利店換卡通公仔禮物已經成為一股潮流，唔儲貼紙就等於Out！下月開始又有排儲，事關全天下女性都喜愛的Hello Kitty又在7-Eleven登場，今次不是文具擺設，而是Charm和手機吊飾。當中的Charm有多種配搭，變手鏈、頸鏈吊墜都得，擺明打女仔主意。「Hello Kitty 35週年珍藏吊飾系列」全套有35款，每款Hello Kitty Charm的背後，均刻有其代表的年份。按照慣例，一樣是買滿$20有一個印花，集齊15個免費換一款，12月2日開始喇！