【9月會喺大阪梅田開店！】

銅鑼灣一間以山林為設計概念、主打懷石料理同Omakase嘅日式餐廳，透過發訊息方式通知客人因租金高昂，佢哋將會於7月20日結束香港業務，但打算9月去大阪梅田開店！最後呢段時間，大家可以去試試佢哋嘅6品龍蝦松葉蟹盛宴($398/位)，或只於午市供應嘅黃金飯焦釜飯定食($188起)，如果鍾意清香口味不妨試有齊蟹肉、蟹鉗同蟹膏嘅松葉蟹釜飯，另外鹽燒牛舌、牡蠣同雜錦刺身都值得一試。